№21: Знак прысутнасці

№21: Знак прысутнасці

Мы прысвячаем новы нумар “ПрайдзіСвета” феномену сувязі літаратуры і гомасэксуальнасці, альбо, кажучы мовай ХХІ стагоддзя, сувязі літаратуры і ЛГБТК. Ці застаецца літаратура літаратурай, калі адкрывае нам сусвет цялеснасці, сэксуальнасці, інтымнасці? Чаму беларуская літаратура моцная ў апісанні вайны і такая бездапаможная, стэрыльная ў апісанні цялеснасці і сэксуальнасці? Ці існуе беларуская ЛГБТК-літаратура? На гэтыя і іншыя пытанні можна будзе знайсці адказы ў нумары

Чытаць далей

«Кніга года-2008» Прэміі Коста

12 траўня 2009

«Кніга года-2008» Прэміі Коста


(Costa Book of the Year)

«Таемнае пісьмо» (The Secret Scripture)

Себасцьян Бары (Sebastian Barry)

«Кнігай года-2008» паводле версіі журы брытанскай Прэміі Коста (Costa Book of the Year) стала «Таемнае пісьмо» (The Secret Scripture) 53-гадовага ірландскага пісьменніка Себасцьяна Бары (Sebastian Barry), які з розніцай у адзін судзейскі голас абышоў Адама Фаўлдза (Adam Foulds), аўтара паэмы «Зламанае слова» (The Broken Word).

Пра аўтара

Себасцьян Бары нарадзіўся ў Дубліне ў 1955 годзе. Аўтар 5 п’есаў, 3 раманаў. Пераможца прэстыжных літаратурных прэмій (Ірландска-амерыканскага фонду, імя Крыстафера Эварта-Бігса, Лонданскай прэміі крытыкаў і інш).

Жыве ў г. Уіклаў з жонкай і трыма дзецьмі.

Пра твор

Адначасова ашаламляльная і прыгожая сямейная гісторыя, якую расказвае амаль стогадовая Роўзэн Макналці ў сваім таемным дзённіку і ў размовах з псіхіятрам. Успаміны пацыенткі псіхіятрычнай лякарні робяцца таемнай, альтэрнатыўнай гісторыяй Ірландыі.

Раман «Таемнае пісьмо» ўвайшоў у спіс кандыдатаў на атрыманне Букераўскай прэміі ў 2008 годзе.

Пра прэмію

Літаратурная прэмія Коста (Costa Book Award), да 2006 – Уітбрэдаўская літаратурная прэмія (Whitbread Book Awards), заснаваная ў 1971 годзе і ўручаецца Асацыяцыяй кнігароў Вялікабрытаніі. Лічыцца больш «дэмакратычнай», чым Букераўская прэмія. У шорт-ліст трапляюць творы ў пяці намінацыях. Сёлета кандыдатамі на перамогу ў намінацыі «Найлепшая кніга года» і грашовага прыза ў 25 тысяч фунтаў стэрлінгаў, акрамя Себасцьяна Бары, былі: «Паэзія» – Адам Фаулдз, паэма «Зламанае слова» (Adam Foulds, The Broken Word), «Найлепшы дэбютны раман» – Сэйдзі Джонс, «Выгнаннік» (Sadie Jones, The Outcast), «Біяграфія» – Дыяна Этхіл, «Недзе ў напрамку канца» (Diana Athill, Somewhere Towards the End), «Дзіцячая літаратура» – Мішэль Магорыян, «Толькі Генры» (Michelle Magorian, Just Henry)

Паводле брытанскай газеты The Guardian

http://www.guardian.co.uk/books/2009/jan/27/sebastian-barry-costa-book-award/print,

афіцыйнага сайту Прэміі www.costabookawards.com

Чытайце таксама

Канцэпцыя “двайнога бачання” сусвету ў навэлістыцы Густава Майрынка

Наталля Ламека

Канцэпцыя “двайнога бачання” сусвету ў навэлістыцы Густава Майрынка

Аўстрыйская экспрэсіянісцкая культура пачатку ХХ стагоддзя вылучаецца асаблівай атмасферай патаемнага і містычнага. Так званы “чорны” экспрэсіянізм шырока эксплуатуе матывы падарожжа ў іншасвет, хваравітай…

Цікавы, сапраўдны, шчыры твор — вось што істотна

Алеся Башарымава

Цікавы, сапраўдны, шчыры твор — вось што істотна

— Калі паглядзець на спіс тваіх перакладаў для часопіса “ПрайдзіСвет”, адразу напрошваецца пытанне, што ты любіш больш: шведскую літаратуру ці дзіцячую? — Дзіцячую: думаю, там адсотак таго, што мне можа…

Чорная зямля пад белымі крыламі

Чорная зямля пад белымі крыламі

Згадваць пра тое, што за савецкім часам перакладаў на беларускую мову з афрыканскіх літаратураў было няшмат, наўрад ці трэба. А ў постсавецкі час перакладчыкі дык увогуле пачалі абыходзіць літаратурную…

Як цвыркаць літаратуру

Як цвыркаць літаратуру

У эпоху інфармацыйнага грамадства літаратуры робіцца цесна ў вызначанай для яе папярэднімі стагоддзямі форме – кнізе. І яна ці, хутчэй, яе знаўцы асвойваюць усё новыя нішы і новыя магчымасці, што з’яўляюцца…

719