Джон Мэйсан Ніл (John Mason Neale) -

Добры князь Венцлаў (Good King Venceslas) Калядка

Глянуў добры князь Венцлáў
У вячор Стафáнаў —
Белы снег зямлю заслаў,
Чысты, без заганаў.
Ззяе месяц ясна так,
Светла ў цэлым свеце,
Ды ідзе якісь бядак
І збірае вецце.

“Гэй, слуга, слуга, ты дзе,
Раскажы-тка мне ты:
Хто, глядзі, паўз нас ідзе,
Скуль бядуля гэты?”
“Дом ягоны ў бок вунь той —
Мо гадзіна пешкі, —
Ля калодзежа святой
Дзевіцы Агнешкі”.

“То нясі хутчэй кумпяк,
І віна, і вецця,
Будзе сёння той бядак
Свята ў хаце меці”.
Князь і хлопец выйшлі ўдвох,
Шлях ім быў няблізкі —
Цераз цемру па снягох,
Пад выццё вятрыскі.

“Княжа, ўкруг усё цямней,
Ды мароз лютуе.
Ох жа, праўда, страшна мне,
Далей не прайду я”.
“Добры хлопча, ты ступай
След у след за мною:
А вятры гудуць няхай —
Не зважай на тое”.

То й была слугу тады
Лёгкая дарога,
Сагравалі йго сляды
Добрага святога.
Хто ж паслухаў, хай цішком
Знойдзе ўрок у цудзе:
Хто ласкавы з бедаком,
Сам у ласцы будзе.

пераклад з ангельскай – Антон Францішак Брыль

Глянуў добры князь Венцлáў У вячор Стафáнаў — Белы снег зямлю заслаў, Чысты, без заганаў. Ззяе месяц ясна так, Светла ў цэлым свеце, Ды ідзе якісь бядак І збірае вецце. “Гэй, слуга, слуга, ты дзе, Раскажы-тка мне ты: Хто, глядзі, паўз нас ідзе, Скуль бядуля гэты?” “Дом ягоны ў бок вунь той — Мо гадзіна пешкі, — Ля калодзежа святой Дзевіцы Агнешкі”. “То нясі хутчэй кумпяк, І віна, і вецця, Будзе сёння той бядак Свята ў хаце меці”. Князь і хлопец выйшлі ўдвох, Шлях ім быў няблізкі — Цераз цемру па снягох, Пад выццё вятрыскі. “Княжа, ўкруг усё цямней, Ды мароз лютуе. Ох жа, праўда, страшна мне, Далей не прайду я”. “Добры хлопча, ты ступай След у след за мною: А вятры гудуць няхай — Не зважай на тое”. То й была слугу тады Лёгкая дарога, Сагравалі йго сляды Добрага святога. Хто ж паслухаў, хай цішком Знойдзе ўрок у цудзе: Хто ласкавы з бедаком, Сам у ласцы будзе. <object width="420" height="315"><param name="movie" value="http://www.youtube.com/v/l4MWOpEXe5w?version=3&hl=ru_RU"></param><param name="allowFullScreen" value="true"></param><param name="allowscriptaccess" value="always"></param><embed src="http://www.youtube.com/v/l4MWOpEXe5w?version=3&hl=ru_RU" type="application/x-shockwave-flash" width="420" height="315" allowscriptaccess="always" allowfullscreen="true"></embed></object> © Антон Францішак Брыль, пераклад, 2012 <a href='PS_PAGE_LINK'>чытайце цалкам на prajdzisvet.org</a>
Дадаць у ЖЖ
Tweet

Art Detected

Джон Мэйсан Ніл ( John Mason Neale ) 1818 – 1866

Добры князь Венцлаў (Good King Venceslas) Калядка