№21: Знак прысутнасці

№21: Знак прысутнасці

Мы прысвячаем новы нумар “ПрайдзіСвета” феномену сувязі літаратуры і гомасэксуальнасці, альбо, кажучы мовай ХХІ стагоддзя, сувязі літаратуры і ЛГБТК. Ці застаецца літаратура літаратурай, калі адкрывае нам сусвет цялеснасці, сэксуальнасці, інтымнасці? Чаму беларуская літаратура моцная ў апісанні вайны і такая бездапаможная, стэрыльная ў апісанні цялеснасці і сэксуальнасці? Ці існуе беларуская ЛГБТК-літаратура? На гэтыя і іншыя пытанні можна будзе знайсці адказы ў нумары

Чытаць далей

Наташа Герке

Экскурсія (Wycieczka)

Пераклад з польскай Святлана Рогач


Наперадзе ішоў гід.

— Ladies and gentelmen, гэта Канхендзонга, — сказаў гід. — Паглядзіце хутчэй, бо праз хвіліну яна знікне.

— Як гэта, знікне? — затурбавалася Пані.

— А вось так, — паціснуў плячыма гід, пстрыкнуў пальцамі, і Канхендзонга знікла.

Група захвалявалася.

— Ladies and gentelmen, калі ласка, не хвалюйцеся, — сказаў гід. — Гэта хмара. Паглядзіце на яе, калі ласка, бо праз хвіліну яе таксама не будзе.

— Як гэта, не будзе? — абурыўся Пан.

— Вось так, — уздыхнуў гід, пстрыкнуў, і хмара знікла.

Экскурсія скамянела.

— Ladies and gentelmen, сыдзіце, калі ласка, са сцежкі, — траціў цярплівасць гід. — Трэба вызваліць аглядную пляцоўку для наступнай групы. Калі вы не паспяшаецеся, то з чацвёртага ўзгорка з правага боку мы не паспеем пабачыць прэтаў.

— Якіх прэтаў, — здзівілася ў адзін голас экскурсія.

— Вялікіх, — паабяцаў гід і рушыў у бок узгорка.

— Ladies and gentelmen, гэта прэты, — сказаў гід, паказваючы рукой на возера.

— Мы нічога не бачым, — сказала экскурсія, узіраючыся ў гладкае люстра вады.

— Так я і думаў, — пахітаў галавой гід, паглядзеў на гадзіннік, пстрыкнуў і знік у лесе.

Расчараваная экскурсія хаатычна разбеглася па паляне, а з лесу данёсся голас.

— Ladies and gentelmen, — сёння мы падрыхтавалі для вас адмысловы сюрпрыз. Неўзабаве мы апынемся на палянцы, поўнай прэтаў.

Голас быў усё бліжэй і бліжэй. І разам з ім, вылупіўшы на палянку біноклі, набліжалася наступная экскурсія.

Наперадзе ішоў гід.

© Наташа Герке

Пераклад з польскай – Святлана Рогач © 2012

Чытайце таксама

Мэцью Дзікман

Мэцью Дзікман

Амерыканскі паэт, лаўрэат American Poetry Review 2008 году

Сяргей Пясэцкі

Сяргей Пясэцкі

Польскамоўны пісьменнік, публіцыст, афіцэр выведкі

Сімона дэ Бавуар

Сімона дэ Бавуар

Французская філосафка-экзістэнцыялістка, пісьменніца, ідэалагіня фемінісцкага руху.

Рэкс Стаўт

Рэкс Стаўт

Амерыканскі пісьменнік, аўтар дэтэктыўных раманаў, стваральнік цыклу раманаў пра Нэра Вулфа

368