№21: Знак прысутнасці

№21: Знак прысутнасці

Мы прысвячаем новы нумар “ПрайдзіСвета” феномену сувязі літаратуры і гомасэксуальнасці, альбо, кажучы мовай ХХІ стагоддзя, сувязі літаратуры і ЛГБТК. Ці застаецца літаратура літаратурай, калі адкрывае нам сусвет цялеснасці, сэксуальнасці, інтымнасці? Чаму беларуская літаратура моцная ў апісанні вайны і такая бездапаможная, стэрыльная ў апісанні цялеснасці і сэксуальнасці? Ці існуе беларуская ЛГБТК-літаратура? На гэтыя і іншыя пытанні можна будзе знайсці адказы ў нумары

Чытаць далей

Антон Адамовіч

Антон Адамовіч

Беларускі літаратуразнавец, гісторык, публіцыст, празаік, доктар філалогіі. Нарадзіўся 26 чэрвеня 1909 у Мінску. У канцы 1943 пераехаў у Германію. З 1960 жыў у ЗША. Аўтар шэрагу гістарычна-літаратурных і крытычных артыкулаў, прац па гісторыі, эканоміцы, культуры Беларусі. Памёр 12 чэрвеня 1998 году ў ЗША.

Адамовіч напісаў рэцэнзіі на рукапіс кнігі Н. Арсенневай “Сягоння” (1944), паэму Л. Случаніна “Рагнеда” (1944), зборнік А. Салаўя “Звіняць званы Святой Сафіі” (1947) і інш. Аўтар грунтоўных прадмоваў да эмігранцкіх выданняў У. Дубоўкі (“Сredo”, 1949), Я. Коласа (“Новая зямля”, 1952), У. Жылкі (“Творы. Да 20-годдзя ўгодкаў смерці”, 1953), А. Мрыя (“Запіскі Самсона Самасуя”, 1953), Л. Калюгі (“Нядоля Заблоцкіх”, 1953), Я. Купалы (“Раскіданае гняздо” і “Тутэйшыя”, 1953), М. Кавыля (“Пад зорамі белымі”, 1955), Я. Юхнаўца (“Шорах моўкнасці”, 1955), М. Сяднёва (“Ля ціхай брамы”, 1955). Надрукаваў шэраг антыбальшавіцкіх рэфератаў, артыкулаў, кніг — “Яны зноў на Беларускай зямлі” (1944), “Арыентацтва — хвароба беларуская” (1944), “Очерки истории большевизма в Белоруссии” (1954), “Саветызацыя беларускай літаратуры” (1955), “Пантэон пісьменнікаў БССР” (1959). У газеце “Бацькаўшчына” апублікаваў манаграфію “Званар Адраджэння — Вацлаў Ластоўскі” (1954). Нацыянальнай ідэяй прасякнутыя такія празаічныя творы Антона Адамовіча, як “Афрадыта ОСТ”, “Каханы горад” і інш.

Чытайце таксама

Хенрык Нордбрандт

Хенрык Нордбрандт

Дацкі пісьменнік, аўтар шэрагу зборнікаў вершаў, эсэ, раманаў, падарожных нататак. Лаўрэат прэміі Дацкай акадэміі (1980), літаратурнай прэміі Шведскай акадэміі (1990).

Эрнэст Доўсан

Эрнэст Доўсан

Ангельскі паэт.

Антоні Эдвард Адынец

Антоні Эдвард Адынец

Беларускі польскамоўны паэт, перакладчык і драматург, сябра Таварыства філарэтаў

Войцех Кучак

Войцех Кучак

Польскі празаік, паэт, сцэнарыст, кінакрытык, спелеолаг

562