№21: Знак прысутнасці

№21: Знак прысутнасці

Мы прысвячаем новы нумар “ПрайдзіСвета” феномену сувязі літаратуры і гомасэксуальнасці, альбо, кажучы мовай ХХІ стагоддзя, сувязі літаратуры і ЛГБТК. Ці застаецца літаратура літаратурай, калі адкрывае нам сусвет цялеснасці, сэксуальнасці, інтымнасці? Чаму беларуская літаратура моцная ў апісанні вайны і такая бездапаможная, стэрыльная ў апісанні цялеснасці і сэксуальнасці? Ці існуе беларуская ЛГБТК-літаратура? На гэтыя і іншыя пытанні можна будзе знайсці адказы ў нумары

Чытаць далей

Янка Брыль

Янка Брыль

Пісьменнік і перакладчык Янка Брыль (1917–2006) нарадзіўся ў Адэсе. Вядомы як перакладчык з рускай, украінскай і польскай моваў.

Асобнай кнігай выйшаў пераклад Янкі Брыля аповесці для дзяцей Марыі Канапніцкай “Пра гномаў і сіротку Марысю” (першае выданне – 1957, перавыданне – 1984), а таксама “Тумба з мыса Добрай надзеі” А. і Ч. Цанткевічаў (1971, пераклаў разам з Н. Брыль), “Рэпартаж з пустога поля” В. Яжджынскага (1972), “Прыгоды ў Цюцюрлістане” В. Жукроўскага (1973, пераклаў разам з Н. Брыль), “Уральскія казкі” П. Бажова (1975), зборнік польскіх апавяданняў “Сад” (1982).

Пераклады Янкі Брыля ўвайшлі ў зборнік “Ад Буга да Одры: Апавяданні польскіх пісьменнікаў” (1969, пераклаў творы Я. Івашкевіча, Л. Кручкоўскага, Т. Ружэвіча, Ю. Кавальца, Э. Брыля), у зборнік “Рука друга: Апавяданні ўкраінскіх савецкіх пісьменнікаў” (1973), у зборнік твораў Э. Ажэшкі “Выбранае” (1975), М. Ю. Канановіча “Імёны любові” (1976), у кнігу апавяданняў А. Каспровіча (1978). Зрабіў паасобныя пераклады твораў Л. Талстога, К. Паўстоўскага, А. Чэхава, М. Горкага.

У “Даляглядах” выходзілі пераклады Янкі Брыля апавядання “Сыны” Т. Ружэвіча і “Непрычасаных думак” С. Е. Леца (1975), “Матыльда” Я. Гушчы (1978), апавяданняў Т. Новака, Б. Чэшкі, С. Р. Дабравольскага (1980), навелаў К. Філіповіча (1986), апавядання “Дым” М. Канапніцкай (1984). У “Крыніцы” быў надрукаваны пераклад Янкі Брыля “Апавядання з сабакам” Я. Івашкевіча (1993, №1).

У анталогіі М. Скоблы “Галасы з-за небакраю” змешчаныя пераклады Янкі Брыля з польскай (А. Міцкевіч) і рускай (І. Бунін) моваў.

Чытайце таксама

Э. Ч. Асонду

Э. Ч. Асонду

Нігерыйскі пісьменнік, вядомы сваімі кароткімі апавяданнямі

Баляслаў Лесьмян

Баляслаў Лесьмян

Польскі культавы паэт, сябра Польскай акадэміі літаратуры

Дзмітрый Ермаловіч-Дашчынскі

Дзмітрый Ермаловіч-Дашчынскі

Эліза Ажэшка

Эліза Ажэшка

Польская пісьменніца, грамадская дзяячка, педагог. Жыла і працавала ў Горадні і ваколіцах

1621