Філолаг і перакладчыца Алена Пятровіч (Лянкевіч) нарадзілася ў Віцебску ў 1985 годзе.
Скончыла філалагічны факультэт БДУ (2008) і магістратуру пры ім (2009). З 2006 г. наведвае Беларускі Калегіюм і Перакладніцкую майстэрню.
Лаўрэат арганізаваных беларускім ПЭН-цэнтрам літаратурных конкурсаў імя У. Караткевіча (2005) і К. Шэрмана (2009). У апошнім з іх перамагла як перакладчык казкі “Акадэмія доктара Клякса” (Akademia pana Kleksa) Яна Бжэхвы.
Перакладае з польскай, украінскай, ангельскай і чэшскай моваў. Пераклады друкаваліся ў часопісах “Паміж”, “Дзеяслоў”, “ARCHE”. У перакладзе Алены Пятровіч выйшаў раман Рышарда Капусціньскага “Падарожжы з Герадотам” (Мн., Логвінаў, 2009).
Жыве ў Мінску.
