Нарадзілася ў Валашскім Мэзыржычы, у Астраве вывучала гісторыю мастацтва, цяпер жыве ў Празе і прафесійна займаецца вырабам ювелірных упрыгожанняў. Аўтарка зборнікаў паэзіі “Вясновым крывадушнікам” (Jarním pokrytcům, 1999), “Пейзаж з Афеліяй” (Krajina s Ofélií, 2003), за якую атрымала прэстыжную прэмію імя Іржы Ортэна і выбарка вершаў з якой была апублікаваная па-беларуску ў чэшскім нумары часопіса “ARCHE” (№6, 2009; http://arche.by/by/21/50/1317/ ) і “Akty” (“Акты”, 2006). У 2010 годзе атрымала “Дрэздэнскую прэмію за лірыку”. Большасць вершаў з выбаркі, падрыхтаванай для публікацыі ў “ПрайдзіСвеце”, узятая са зборніка “Інтэр’еры” (Interiéry), які цяпер рыхтуецца да выдання.