Ангельская пісьменніца. Нарадзілася 1 лістапада 1959 году ў Нотынгеме ў сям'і метадысцкага святара. Навучалася ў каледжы св. Хільды ў Оксфардзе. Два гады правяла ў Італіі і Гішпаніі, выкладаючы ангельскую мову. З 1993 жыве ў Кембрыджы. Дэбютны раман Кларк “Джонатан Стрэндж і містэр Норэл” (Jonathan Strange & Mr Norrell) выйшаў у 2004 годзе і атрымаў шэраг значных узнагарод, у тым ліку прэмію Hugo за найлепшы раман (2005) і Міфапаэтычную прэмію за твор для дарослых (Mythopoeic Award for Adult Literature, 2005).