Паэт, укладальнік некалькіх анталогій нігерыйскай паэзіі, піша па-ангельску і на мове хаўса. Скончыў універсітэт у Кана і дактарантуру ў Оксфардзе. Выкладае ангельскую мову ва ўніверсітэце Баера (Кана, Нігерыя) па спецыялізацыі “сучасная паэзія і тэорыя літаратуры”. Яго вершы і пераклады друкаваліся ў Вялікабрытаніі, ЗША, Індыі і Паўднёвай Афрыцы ў такіх часопісах, як Poetry Review, Ambit, New Coin, Okike, A Review of International English Literature and Aura Literary Arts Review. У дадзены момант працуе над першым зборнікам вершаў.