![Віктар Жыбуль](/assets/components/phpthumbof/cache/Viktar-Zhybul.5bb011cbc2964a802ed84d01221794ac.jpg)
Нарадзіўся ў Мінску. Скончыў філалагічны факультэт Беларускага дзяржаўнага ўніверсітэта (2000) і аспірантуру (2003). Кандыдат філалагічных навук.
Аўтар паэтычных зборнікаў “Калі ў хаце дыверсант” (1996), “Прыкры крык” (2001), “Дыяфрагма” (2003), паліндромнай паэмы “Рогі гор” (1997), шэрагу літаратуразнаўчых артыкулаў. Удзельнік руху “Бум-Бам-Літ”, яго творы друкаваліся ў калектыўным зборніку сябраў руху “Тазік беларускі” (1998). У 2005 годзе Віктар Жыбуль сабраў і выдаў літаратурную спадчыну заўчасна памерлага паэта Дзяніса Хвастоўскага “Лугназад”. Удзельнік музычных гуртоў “Рацыянальная дыета” і “Засралі казарму”. У 2008 годзе пабачыў свет зборнік вершаў Жыбуля “Забі ў сабе Сакрата!” (разам з жонкай Верай Бурлак). Яго творы перакладаліся на ангельскую, балгарскую, латышскую, нямецкую, польскую, рускую, украінскую і чэшскую мовы.
Паводле litradio.by