Беларускі польскамоўны паэт, перакладчык і драматург. Ураджэнец Гейстунаў у Ашмянскім павеце (цяпер Ашмянскі раён), навучэнец Барунскай базыльянскай школы і Віленскага ўніверсітэта. Адзін з таварыства філарэтаў, сябар А. Міцкевіча, Я. Чачота і іншых. У 1823—1824 сядзеў у турме па справе таварыства. У 1829—1837 падарожнічаў па Заходняй Еўропе, часткаю разам з Міцкевічам. У 1837 вярнуўся ў Гейстуны, у 1838 перабраўся ў Вільню. З 1866 — у Варшаве. Шмат перакладаў паэзію, у тым ліку Вальтэра Скота, Джорджа Гордана Байрана, Аляксандра Пушкіна. Пры жыцці найзначнейшым творам Адынца лічылася п'еса “Феліцыта”.