Першыя свае творы публікавала ў часопісах Dotyky, Fragment, Slovenské pohľady. Творчы даробак пісьменніцы — тры паэтычныя зборнікі: “Той, хто баіцца святла” (Svetloplachý, 1993), “Лонаход” (Lonochod), “Негата” (Nehota, 1997), а таксама кнігі прозы “Паркер. (Любоўны раман)” (Parker (Ľúbostný roman), 2000), “Дванаццаць апавяданняў і Ян Мёд” (Dvanásť poviedok a Ján Med, 2003) і “План праводзінаў (Кафэ Гіена)” (Plán odprevádzania (Café Hyena), 2008).
У 2002—2008 Бэнява працавала рэдактаркай у штодзённіку “SME”, адным з галоўных перыядычных выданняў Славакіі, у якім публікавалася пад псеўданімам Яна Паркрава. Разам з фатографам Філіпам Рэнчам выдавала фатаграфічна-літаратурны часопіс “Park”. З 2009 году працуе рэдактаркай выдавецкага аддзела Тэатральнага інстытута. Жыве ў Браціславе.
