Шведскі пісьменнік і сцэнарыст. Нарадзіўся ў Стакгольме. Пісаць пачаў рана, у сярэдняй школе яго пісьменніцтву паспрыяў аднакласнік Петэр Курман. У 1964 годзе выйшаў першы зборнік паэзіі пісьменніка, і з таго часу яго кар’ера плённа развівалася. Першыя творы для дзяцей былі надрукаваныя ў 1975 і 1976 гадах. У 1984 годзе ён вырашыў цалкам сябе прысвяціць дзіцячай літаратуры.

Лаўрэат прэстыжных міжнародных прэміяў. У 2000 годзе Міжнароднае журы прэміі Х. К. Андэрсэна адзначыла яго заслугі асаблівым дыпломам. Яго творы перакладзеныя на многія замежныя мовы, у тым ліку на рускую. У 2012 годзе па-беларуску выйшла кніга Ульфа Старка “Дыктатар” з малюнкамі Лінды Бондэстам.