Адзін з самых значных рымскіх камедыёграфаў, першы рымскі аўтар, ад якога захаваліся цэлыя творы. Нарадзіўся, як лічыцца, у Сарсіне ў Умбрыі.
Творы Плаўта (як і ў цэлым рымская fabula palliata) абапіраюцца на грэцкія першаўзоры, перадусім на творы Менандра; у Грэцыі і адбываецца дзеянне. Да нас дайшлі, цалкам ці амаль цалкам, 20 камедый Плаўта. Яшчэ каля 30 вядомыя па назвах, але ад іх захаваліся ў найлепшым выпадку невялікія ўрыўкі.
Плаўт зрабіў значны ўплыў на пазнейшую драматургію, у тым ліку на Шэкспіра і Мальера.
