Трансільванска-саксонскі пісьменнік і буйны прадстаўнік нямецкамоўнай румынскай літаратуры.
Нарадзіўся ў Крандштаце (Аўстра-Венгрыя, цяпер Румынія) у 1877 годзе. Сваёй творчасцю, а таксама выданнем часопіса Die Karpathen (1907—1914) Мешэндзёрфер моцна паўплываў на развіццё нямецкамоўнай літаратуры ў Трансільваніі ХХ стагоддзя. Яго дэбютны раман “Леанора” (Leonore, 1908) лічыцца першым сучасным раманам трансільванскай літаратуры. А раман “Горад на ўсходзе” (Die Stadt im Osten) у 1932 годзе быў уганараваны Срэбным медалём Нямецкай акадэміі.
