Нямецкі журналіст і пісьменнік габрэйскага паходжання. Пісаў таксама пад псеўданімамі Каспар Хаўзер, Петэр Пантэр, Тэабальд Тыгер і Ігнац Вробель. Лічыцца адным з найбуйнейшых публіцыстаў часоў Ваймарскай рэспублікі. Займаючыся палітычнай журналістыкай і пэўны час з’яўляючыся адным з выдаўцоў штотыднёвіка “Сусветная трыбуна” (Die Weltbühne), Тухольскі працаваў у галіне грамадскай крытыкі ў традыцыях Генрыха Гайнэ. У той жа час Тухольскі быў таленавітым сатырыкам, кабарэтыстам, паэтам-песеннікам і празаікам. Пасля прыходу да ўлады ў Германіі нацыстаў эміграваў у Швецыю, дзе 21 снежня 1935 году скончыў у Гётэборгу жыццё самагубствам.
