Расійскі паэт і журналіст. Нарадзіўся ў Маскве. Сам паходзіць з сям’і журналістаў. Пасля школы працаваў адміністратарам на кінастудыі. У 19 гадоў эміграваў з СССР у Данію. Атрымаў палітычны прытулак, жыў у Орхусе і Капенгагене. У 1997 годзе вярнуўся ў Маскву, дзе працаваў журналістам спачатку на тэлебачанні, затым у друку. Друкаваў свае вершы ў электронных і папяровых выданнях. Аўтар трох зборнікаў паэзіі. У 2008 годзе выступіў з маніфестам “новага эпасу”, які абгрунтоўваў абноўленае разуменне паэта і паэзіі. Прадстаўнікамі гэтага кірунку ён назваў некалькі сучасных расійскіх паэтаў — Барыса Херсонскага, Віктара Палешчука, Грыгорыя Дашэўскага, Марыю Сцяпанаву, Андрэя Радыёнава, Лінор Гаралік і інш.
