№21: Знак прысутнасці

№21: Знак прысутнасці

Мы прысвячаем новы нумар “ПрайдзіСвета” феномену сувязі літаратуры і гомасэксуальнасці, альбо, кажучы мовай ХХІ стагоддзя, сувязі літаратуры і ЛГБТК. Ці застаецца літаратура літаратурай, калі адкрывае нам сусвет цялеснасці, сэксуальнасці, інтымнасці? Чаму беларуская літаратура моцная ў апісанні вайны і такая бездапаможная, стэрыльная ў апісанні цялеснасці і сэксуальнасці? Ці існуе беларуская ЛГБТК-літаратура? На гэтыя і іншыя пытанні можна будзе знайсці адказы ў нумары

Чытаць далей

Вольга Такарчук (Olga Tokarczuk)

1962 -

Вольга Такарчук
Польская пісьменніца, эсэістка, сцэнарыстка, паэтка.

Нарадзілася 29 студзеня 1962. У 1980 годзе паступіла на псіхалагічны факультэт Варшаўскага ўніверсітэта. Падчас навучання Вольга Такарчук працавала валанцёрам з псіхічна хворымі падлеткамі. Пасля заканчэння ўніверсітэта ў 1985 годзе пераехала ва Уроцлаў, а потым у Вальбрых, дзе працавала псіхатэрапеўтам. Вольга Такарчук лічыць сябе паслядоўніцай Карла Густава Юнга і называе яго псіхалогію адной з крыніцаў сваёй творчасці.

У друку дэбютавала ў 1979 годзе апавяданнем пад псеўданімам Наташа Баровін (Natasza Borowin). А ў 1989 годзе пабачыла свет яе першая кніга — зборнік вершаў “Гарады ў люстэрках” (Miasta w lustrach). Дэбютная кніга прозы — раман “Падарожжа людзей Кнігі” (Podróż ludzi Księgi”) — выйшла ў 1993 годзе, за яе Такарчук атрымала ўзнагароду Польскага таварыства кнігавыдаўцоў.

Сярод іншых твораў пісьменніцы варта згадаць раманы “E. E.” (1995) і “Правек і іншыя часы” (Prawiek i inne czasy, 1996), апошні намінаваўся на Польскую літаратурную прэмію Nike; зборнік навэлаў “Шафа” (Szafa, 1997). Цэнтральная навэла з гэтага зборніка — “Дом дзённы, дом начны” (Dom dzienny, dom nocny) — таксама намінавалася на Nike. Затым пабачылі свет эсэ “Лялька і перліна” (Lalka i perla, 2000), прысвечанае раману Баляслава Пруса “Лялька”, і зборнік апавяданняў “Ігра на шматлікіх барабанах” (Gra na wielu bębenkach, 2001).

У 2007 годзе выйшаў новы раман Вольгі Такарчук “Бегуны” (Bieguni). У 2008 годзе за гэты раман пісьменніца атрымала літаратурную прэмію Nike. “Бегуны” таксама названыя найлепшай кнігай паводле версіі чытацкай аўдыторыі.

Вольга Такарчук — адна з арганізатараў польскага Фестывалю апавядання. Сябра польскай партыі “зялёных”.

Чытайце таксама

Інгеборг Бахман

Інгеборг Бахман

Аўстрыйская пісьменніца, паэт, лаўрэатка мноства прэмій

Ўільям Батлер Ейтс

Ўільям Батлер Ейтс

Ірландскі англамоўны пісьменнік, паэт, драматург. Лаўрэат Нобелеўскай прэміі па літаратуры

Мігель дэ Сервантэс

Мігель дэ Сервантэс

Пісаць біяграфію сусветна вядомага пісьменніка і салдата Мігеля дэ Сервантэса Сааведры – справа абсалютна няўдзячная: творчасць яго даследаваная ўздоўж і ўпоперак, а жыццёвы шлях апісаны так, што нават бібліяграфія зойме шмат старонак

Франц Кафка

Франц Кафка

Адзін з найвыбітнейшых нямецкамоўных пісьменнікаў ХХ стагоддзя

3445