Украінская паэтка і перакладчыца. Нарадзілася 30 лістапада 1974 у Львове. Паводле адукацыі — філолаг-медыевіст, абараніла дысертацыю на тэму “Украінскае нізавое барока: паэтыка стылю і жанру” (2001). Аўтарка паэтычных зборнікаў “Вандроўка ў пошуках дому” (“Мандри у пошуках дому”, 1997), “Сляды на пяску” («Сліди на піску», 1997), “Твары не на фотаздымку” (“Обличчя поза світлиною”, 2005). Удзельнічала ў шматлікіх міжнародных фестывалях і творчых праектах.

Перакладалася на ангельскую, рускую, польскую і харвацкую мовы. Сябра Асацыяцыі ўкраінскіх пісьменнікаў. Жыве і працуе ў Львове.