№21: Знак прысутнасці

№21: Знак прысутнасці

Мы прысвячаем новы нумар “ПрайдзіСвета” феномену сувязі літаратуры і гомасэксуальнасці, альбо, кажучы мовай ХХІ стагоддзя, сувязі літаратуры і ЛГБТК. Ці застаецца літаратура літаратурай, калі адкрывае нам сусвет цялеснасці, сэксуальнасці, інтымнасці? Чаму беларуская літаратура моцная ў апісанні вайны і такая бездапаможная, стэрыльная ў апісанні цялеснасці і сэксуальнасці? Ці існуе беларуская ЛГБТК-літаратура? На гэтыя і іншыя пытанні можна будзе знайсці адказы ў нумары

Чытаць далей

Юльян Тувім (Julian Tuwim)

1894 - 1953

Юльян Тувім
Польскі паэт і перакладчык Юльян Тувім нарадзіўся ў горадзе Лодзь у польскай габрэйскай сям’і. Скончыў там школу і ў 1916–1918 гг. вывучаў юрыспрудэнцыю і філасофію ў Варшаўскім універсітэце, але курсу навучання так і не скончыў, цалкам аддаўшыся творчасці.

Свае першыя вершы паэт надрукаваў у студэнцкай газеце. У 1918 годзе выйшаў яго першы зборнік паэзіі “Czyhanie na Boga”, праз два гады “Sokrates tanczący” і яшчэ праз два – “Siódma jesień”.

Вялікі ўплыў на аўтара зрабілі такія паэты, як Л. Стаф, Ў. Ўітмэн і А. Рэмбо. У яго паэзіі часта выкарыстоўвалася гутарковая мова. Аптымізм, што знайшоў свой адбітак у яго ранніх вершах, паступова замяняецца горкім і спустошаным светабачаннем. Паэма “Bal w Operze” (пераклад на беларускую В. Сёмухі), што сатырычна выяўляла польскі ўрад, была ў свой час забароненая цэнзурай.

Юльян Тувім – адзін з заснавальнікаў эксперыментальнай літаратурнай групы “Скамандр” у 1919 годзе. А з 1924 ён вёў штодзённую калонку ў газеце “Wiadomości Literackie”.

У перадваенныя 1930-я гады ў вершах Тувіма прагучала рэзкая крытыка фашызму. І пасля эміграцыі (1939–1945 гг.) ён працягваў выступаць супраць яго. Тады ж, у эміграцыі, ён пачаў працу над сваёй у выніку не скончанай паэмай “Kwiaty polskie”.

Пасля вяртання на радзіму Тувім актыўна працаваў, захапляўся тэатрам, выпусціў анталогію польскай паэзіі, зборнік сатырычных твораў “Piórem i piórkiem”, шмат перакладаў – “Медного всадника” А. Пушкіна, “Горе от ума” А. Грыбаедава, “Кому на Руси жить хорошо” М. Някрасава, Бальмонта, Брусава, Блока і іншых. Таксама вядомы сваімі дзіцячымі вершамі.

Памёр Ю. Тувім 27 снежня 1953 году.

Чытайце таксама

Жоржы ды Сэна

Жоржы ды Сэна

Партугальскі празаік, паэт, драматург, крытык, эсэіст, перакладчык

Васіль Быкаў

Васіль Быкаў

Культавы беларускі пісьменнік і грамадскі дзеяч, удзельнік Вялікай айчыннай вайны

Філіп Топал

Філіп Топал

Нарадзіўся 12 чэрвеня 1965 году ў Празе

Алешандры Радрыгеш

Алешандры Радрыгеш

Бразільскі пісьменнік і журналіст

1674