Нарадзілася ў 1894 годзе, пляменніца Міхайлы Драгаманава, знакамітага ўкраінскага крытыка, пісьменніка, навукоўца і мастацтвазнаўца, якога лічылі сваім настаўнікам Іван Франко і Леся Украінка.

У 1918–1921 гг. Аксана Драгаманава працавала ў Міністэрстве замежных справаў і ў амбасадзе УНР у Вене. Першыя апавяданні апублікавала ў “Народнай Волі” (Вена). У эміграцыі напісала аповесць “Па той бок свету” (1951, Буэнас-Айрэс). Апавяданне “Чырвоныя ружы” апублікавала ў аргентынскім часопісе “Парогі” (1950) пад псеўданімам Аксана Гард.

Памерла ў Аргентыне.