![](http://i649.photobucket.com/albums/uu212/prajdzisvet/5-1.jpg)
Кацярына Кенігсберг: “Мы планавалі арганізаваць выставу “Сучасная нямецкая кніжная ілюстрацыя” – з 65 работ 12 найбольш вядомых ілюстратараў дзіцячых кніжак. Калі мы даведаліся, што ў нас атрымаецца гэтая выстава, то вырашылі, што грэх не паказаць работы беларускіх мастакоў і не прыцягнуць да ўдзелу культурныя цэнтры замежных амбасадаў у Беларусі. Такім чынам, тут прадстаўлены польскія і ізраільскія мастакі, паколькі ў Беларусі ўсяго толькі тры культурныя цэнтры: Інстытут Гётэ, Польскі інстытут і Ізраільскі культурны цэнтр”.
![](http://i649.photobucket.com/albums/uu212/prajdzisvet/11.jpg)
Мастак: Ірэна Абольскі (Ізраіль)
Дыяпазон прадстаўленых на выставе тэхнік вельмі шырокі: ад танчэйшых акварэльных работ да шаўкаграфіі, ад гуашу і пастэлі да выразкі нажом на цялячым пергаменце, ад малюнка пяром да калажу і эксперыментальных лічбавых формаў.
![](http://i649.photobucket.com/albums/uu212/prajdzisvet/19.jpg)
Мастак: Аляксандра Твардокэнс (Польшча)
![](http://i649.photobucket.com/albums/uu212/prajdzisvet/3.jpg)
Мастак: Юры Алісевіч (Беларусь)
Польскі бок прадставіў працы студэнтаў Акадэміі Мастацтваў у Катавіцах. Гэта найбольш эксперыментальныя работы – мастакі выкарыстоўваюць прыёмы коміксу і анімацыі.
![](http://i649.photobucket.com/albums/uu212/prajdzisvet/18.jpg)
Мастак: Аляксандра Катарска (Польшча)
![](http://i649.photobucket.com/albums/uu212/prajdzisvet/1-2.jpg)
Мастак: Наталля Армата (Польшча)
Беларускія мастакі прадстаўлены такімі неверагодна тытулаванымі асобамі, як Валер Славук і Павел Татарнікаў, пра якіх мы ўжо падрабязна пісалі на старонках жж “ПрайдзіСвета” (Вялікі мастак міфічнасці - Валеры Славук і Ілюстрацыі Паўла Татарнікава).
Цікавымі мне падаліся працы маладой беларускай мастачкі Веры Ягоўдзік.
![](http://s649.photobucket.com/albums/uu212/prajdzisvet/2-2.jpg)
Беларускі мастак Раман Сустаў у інтэрв’ю БелаПАН адзначыў, што беларуская кніжная ілюстрацыя на сучасным этапе перажывае крызіс, таму абмен досведам з замежнымі мастакамі вельмі карысны беларускім ілюстратарам. Вось жа паглядзім на ягоныя працы.
![](http://s649.photobucket.com/albums/uu212/prajdzisvet/17.jpg)
![](http://i649.photobucket.com/albums/uu212/prajdzisvet/15.jpg)
![](http://i649.photobucket.com/albums/uu212/prajdzisvet/16.jpg)
Ізраільская мастачка Ірэна Абольскі працуе ў цікавай тэхніцы выразання нажом з пергаменту. Яе працы грунтуюцца на эстэтыцы старажытных манускрыптаў, дзе пачатковыя літары з’яўляюцца рамкай для ілюстрацыі. У такой тэхніцы Ірэна Абольскі афармляе ілюстрацыі да рэлігійных тэкстаў і мастацкіх твораў на біблійную тэматыку.
![](http://i649.photobucket.com/albums/uu212/prajdzisvet/13.jpg)
![](http://i649.photobucket.com/albums/uu212/prajdzisvet/12.jpg)
![](http://i649.photobucket.com/albums/uu212/prajdzisvet/14.jpg)
Нямецкая экспазіцыя, з якой і пачалася задума выставы, была затрыманая на мытні, але арганізатары выставы чакаюць машыну ў пятніцу. Пакуль што ў музеі прадстаўлены толькі кнігі, аздобленыя нямецкімі мастакамі.
![](http://i649.photobucket.com/albums/uu212/prajdzisvet/8-1.jpg)
![](http://i649.photobucket.com/albums/uu212/prajdzisvet/9-2.jpg)
Мастак: Філіп Вехтэр (Нямеччына)
![](http://i649.photobucket.com/albums/uu212/prajdzisvet/10-1.jpg)
Мастак: Нікалаўс Хайдэльбах (Нямеччына)
![](http://i649.photobucket.com/albums/uu212/prajdzisvet/6-2.jpg)
Мастак: Вольф Эрлбрух (Нямеччына)
![](http://i649.photobucket.com/albums/uu212/prajdzisvet/7-1.jpg)
Мастак: Аксэль Шэфлер (Нямеччына)
![](http://img.tut.by/n/kultura/02/9/karoline_kehr.jpg)
Мастак: Каралінэ Кер (Нямеччына)
Выстава ў Мінску працягнецца да 7 сакавіка, а потым рушыць у турнэ па Беларусі. Падрабязней пра маршрут выставы можна даведацца на сайце Інстытута Гётэ.