Нарадзілася ў 1969 годзе ў Валожыне Мінскай вобласці. Там скончыла сярэднюю школу з сярэбраным медалём. У 1992 годзе скончыла Мінскі дзяржаўны педагагічны інстытут замежных моваў (цяпер Мінскі дзяржаўны лінгвістычны ўніверсітэт) па спецыяльнасці “ангельская, французская, польская мовы” з дыпломам з адзнакай. У 2003 годзе абараніла дысертацыю на тэму “Псіхааналітычная канцэпцыя Д. Г. Лоўрэнса і яе рэалізацыя ў прозе”, атрымаўшы навуковую ступень кандыдата філалагічных навук па спецыяльнасці “Літаратура народаў краін замежжа”. Цяпер — дацэнт кафедры замежнай літаратуры ў Мінскім дзяржаўным лінгвістычным універсітэце; працуе над доктарскай дысертацыяй у Беларускім дзяржаўным універсітэце. Удзельніца шматлікіх літаратуразнаўчых міжнародных канферэнцый. Мае каля 80 публікацый як у беларускіх, так і замежных выданнях: у Славакіі, Літве, Францыі, Вялікабрытаніі, Расіі, Украіне, ЗША, Чарнагорыі.