Прэмію ў памеры 10 000 даляраў пісьменніца атрымала за зборнік “Lawless and Other Stories”.

Па словах журы, “гэты зборнік апавяданняў і навэла ўяўляюць сабой творы першакласнага пісьменніка. Захапляльныя гісторыі, якія апісваюць штодзённае жыццё Нігерыі, вылучаюцца нязменна высокай якасцю і выбітнасцю. Аўтарка валодае адметным дарам мовы і майстэрствам апісання, з дапамогай якіх яна перавызначае ўяўны свет нігерыйскага грамадства.

Яна расказвае свае гісторыі рознымі галасамі, з пункту гледжання цэлага шэрагу запамінальных персанажаў, удала спалучаючы форму і яе напаўненне. Яна ні рамантызуе, ні дэманізуе сусвет герояў сваіх твораў. Яе геній у тым, каб пазбавіць апавяданні сенсацыйнасці, што тым самым дазваляе цалкам раскрыцца яе майстэрству. Адна з самых выбітных, творчых і адораных пісьменніц Афрыкі і, верагодна, найлепшая прадстаўніца свайго пакалення”.

Сэфі Ата нарадзілася ў Нігерыі. Адукацыю атрымала на радзіме, у Вялікабрытаніі і ЗША. Яе апавяданні друкаваліся ў шматлікіх часопісах, а п’есы трансляваліся на канале BBC.

Аўтарка, якая цяпер жыве ў ЗША, ужо раней неаднаразова станавілася ўладальніцай розных літаратурных прэмій, у прыватнасці, за свой дэбютны раман “Everything Good Will Come” яна атрымала першую прэмію Воле Шаінка ў галіне афрыканскай літаратуры за 2006 год.

Уганараванне пераможцы адбудзецца ў Афрыцы, падрабязнасці пакуль не паведамляюцца.