Ён расказаў, што сёння групе даступны практычна ўвесь архіў пісьменнікаў, як Аркадзя, так і Барыса, цяпер ён аблічбаваны, адсканаваны, і беражліва захоўваецца; менавіта па ім рыхтуецца 30-томны збор твораў, уключаючы перапіску і публіцыстычныя матэрыялы. У гэтым выданні плануецца выпусціць варыянты неапублікаваных тэкстаў, а таксама тэкстаў, якія публікаваліся ў істотна змененым выглядзе. Таксама туды ўвойдуць кнігі братоў, напісаныя не ў суаўтарстве, пад псеўданімамі С. Вітыцкі і С. Яраслаўцаў.

Складальнікі плануюць надаць значную ўвагу перапісцы — не толькі паміж аўтарамі, але і лістам да іншых пісьменнікаў, да выдаўцоў і перакладчыкаў. Таксама ў зборніку плануецца выдаць амаль усю публіцыстыку Стругацкіх, якая выходзіла на рускай мове. “Гэта будзе збор твораў, набліжаны да поўнага”, — кажа Уладзімір Барысаў. Цяпер, паводле яго словаў, у рабоце знаходзяцца тамы з сёмага па дзявяты. Абмяркоўваецца пытанне, хто стане выдаўцом шматтомніка.

Асноўную працу па складанні вядуць галоўны каардынатар групы “Людены” Юрый Флайшман (ён працуе з архівамі АНС) і сябры групы Святлана Бандарэнка і Віктар Курыльскі (на іх плечы легла рэдактарская і тэксталагічная апрацоўка).

Раней зборы твораў Стругацкіх выдаваліся менш поўнымі варыянтамі. 14 тамоў выйшла ў выдавецтве “Тэкст” у 1991—1994 гадах, выдавецтва “Эксмо” выпусціла дзесяцітомнік у 2007—2008 гадах, кніжная серыя “Сусветы братоў Стругацкіх” выходзіла з 1996 году спачатку ў фірмах Terra Fantastica і АСТ, затым перайшла да ўкраінскага выдавецтва “Сталкер”. Гэта быў праект “Невядомыя Стругацкія”, і на верасень 2009 году ў гэтай серыі было выдадзена 28 кніг.