№21: Знак прысутнасці

№21: Знак прысутнасці

Мы прысвячаем новы нумар “ПрайдзіСвета” феномену сувязі літаратуры і гомасэксуальнасці, альбо, кажучы мовай ХХІ стагоддзя, сувязі літаратуры і ЛГБТК. Ці застаецца літаратура літаратурай, калі адкрывае нам сусвет цялеснасці, сэксуальнасці, інтымнасці? Чаму беларуская літаратура моцная ў апісанні вайны і такая бездапаможная, стэрыльная ў апісанні цялеснасці і сэксуальнасці? Ці існуе беларуская ЛГБТК-літаратура? На гэтыя і іншыя пытанні можна будзе знайсці адказы ў нумары

Чытаць далей

У Харватыі пачалася кампанія за чытанне ўголас

15 красавіка 2013

У Харватыі пачалася кампанія за чытанне ўголас
У дзіцячым садку Razlicak і Цэнтры дзяцей са слабым слыхам Slava Raskaj пры падтрымцы ЮНІСЕФ пачаўся сумесны праект, мэта якога — пазнаёміць дзяцей з літаратурай і такім чынам дапамагчы ім кантактаваць з вонкавым светам. Апошняе харвацкае даследаванне ЮНІСЕФ паказала, што хоць чытанне ўголас развівае ў дзяцей маўленне і камунікацыйныя здольнасці, у тысячах сем'яў гэта не прынята. Усяго пятнаццаць хвілін чытання ўголас на дзень здольныя прышчапіць любоў да друкаванага слова на ўсё жыццё, не кажучы пра падрыхтоўку да школы і паляпшэнне стасункаў з бацькамі.

Першыя чытанні прайшлі ў найбуйнейшым бібліятэчным цэнтры Заграба. Там былі абвешчаныя вынікі мінулага даследавання і там жа бацькоў знаёмілі са спецыяльнымі тэхнікамі чытання. Аказваецца, пры вусным чытанні дзецям неабходна бачыць актыўную міміку і жэсты — такім чынам дзеці, што слаба чуюць, і дзеці з сіндромам Даўна лепш разумеюць змест кнігі. Гэтыя тэхнікі скіраваныя на актыўнае ўзаемадзеянне з дзіцем, стымулююць яго самастойна прамаўляць гукі, рэагаваць на сюжэт, асвойваць новыя жэсты.

Мерапрыемствы, што рэкламуюць чытанне ўголас, будуць праводзіцца ў Харватыі ўвесь год. ЮНІСЕФ будзе забяспечваць трэнінгі для дактароў-педыятраў, дзе раскажуць пра карысць такіх практык, а самыя бедныя сем'і змогуць атрымаць дзіцячыя кнігі бясплатна.
паводле novostiliteratury.ru

Чытайце таксама

424