Выйшаў першы энцыклапедычны слоўнік рэлігійнай лексікі беларускай мовы
23 жніўня 2013
![Выйшаў першы энцыклапедычны слоўнік рэлігійнай лексікі беларускай мовы](http://i649.photobucket.com/albums/uu212/prajdzisvet/38666D8D-82C4-4E98-8E7E-463A65B19082_mw1024_n_s_zpsc5b1d4c8.jpg)
“Слоўнік з'яўляецца ўніверсальным даведнікам па розных напрамках рэлігійнага жыцця ў Рэспубліцы Беларусь. У ім прадстаўлена актуальная міжканфесійная лексіка, якая датычыцца рэлігійных і рэлігійна-філасофскіх плыняў, назваў рэлігійных арганізацый, абшчын, прыводзяцца звесткі аб найбольш вядомых і шанаваных у народзе абразах, крыніцах, розных святынях”, — паведамляецца ў анатацыі да выдання.
Аўтары энцыклапедычнага слоўніка — ксёндз-дэкан мінскага касцёла Святога Сымона і Святой Алены Уладзіслаў Завальнюк, загадчык кафедры гісторыі беларускай мовы Беларускага дзяржаўнага ўніверсітэта, прафесар Мікалай Прыгодзіч і выкладчык-метадыст беларускай мовы і літаратуры Валянціна Раманцэвіч.