Памерла Дорыс Лесінг
18 лістапада 2013
![Памерла Дорыс Лесінг](http://i649.photobucket.com/albums/uu212/prajdzisvet/1009852_9852_101_zpsaa24f2ba.jpg)
Дорыс Лесінг, народжаная Дорыс Мэй Тэйлар, з'явілася на свет 22 кастрычніка 1919 году ў сям'і брытанскага афіцэра ў Персіі. У дзяцінстве разам з бацькамі пераехала ў Афрыку, а пасля Другой сусветнай вайны перабралася ў Вялікабрытанію. Лесінг, якая не мела фармальнай адукацыі, змяніла некалькі прафесій і пачала друкавацца ва ўзросце трыццаці гадоў.
Акрамя фемінізму ў творчасці пісьменніцы атрымалі адлюстраванне камуністычныя ідэі і містычнае вучэнне суфізму. Сярод галоўных твораў Лесінг — раманы “Трава спявае”, “Залаты сшытак”, “Добры тэрарыст”, трылогія “Дзеці гвалту” і фантастычны цыкл “Канопус у Аргасе”.