Паводле паведамлення пракуратуры, кніга "выяўляе мілітарысцкі светапогляд і апраўдвае дыскрымінацыю і знішчэнне асобаў неарыйскай расы, адлюстроўвае ідэі, рэалізацыяй якіх стаў пачатак Другой сусветнай вайны".

Абапіраючыся на Федэральны закон "Пра супрацьстаянне экстрэмісцкай дзейнасці" пракуратура таксама заяўляе, што "аднясенне дакументаў да прац кіраўнікоў нацыянал-сацыялістычнай працоўнай партыі Нямеччыны з'яўляецца падставай аўтаматычнага прызнання іх экстрэмісцкімі матэрыяламі і не патрабуе дадатковай аргументацыі і правядзенні экспертызы".

Факты вольнага распаўсюду "Майн Кампф" у Расіі былі пацверджаны падчас праверкі, праведзенай пракуратурай Кіраўскага раёна Уфы па даручэнні пракуратуры Башкартастана. Раней кніга афіцыйна не была забаронена, яе можна было знайсці ў інтэрнэце і на кніжных развалах. Па выніках праверкі ў Кіраўскі раённы суд быў накіраваны пазоў пра прызнанне кнігі экстрэмісцкай. Суд пагадзіўся з пунктам гледжання пракуратуры.

Пасля таго, як рашэнне суда набудзе моц, "Майн Кампф" будзе занесена ў Федэральны спіс экстрэмісцкіх матэрыялаў.

Першы том "Майн Кампф" быў выдадзены ў Нямеччыне ў 1925 году, другі - у 1926-м. Гітлер назваў сваю аўтабіяграфію "Чатыры з паловай года барацьбы супраць хлусні, дурасці і падступстваў", аднак выдавец палічыў назву занадта доўгай і скараціў яго да "Мая барацьба". Пачынаючы з 1992 года, на рускай мове кніга была выдадзена пяць разоў у Расіі і краінах СНД. Акрамя таго, у 30-х гадах мінулага стагоддзя абмежаваным тыражом была выдадзена рускамоўная версія для партыйнага кіраўніцтва СССР.