Бібліятэчная копія архіваў будзе ўвесь час абнаўляцца, бо ў наш час у Twitter штодня з'яўляецца каля 55 мільёнаў запісаў. У агульным бібліятэчным доступе яны з'явяцца праз паўгода пасля размяшчэння на сайце.

Бібліятэка атрымае на захоўванне толькі публічныя запісы. У Twitter адзначаюць, што гэта амаль не адаб'ецца на поўнасці архіваў, бо абароненыя ад прагляду твіты складаюць вельмі невялікую частку ўсёй базы дадзеных.

У архівах Бібліятэкі Кангрэса, у прыватнасці, апынуцца самы першы публічны твіт, запіс Барака Абамы пра перамогу на прэзідэнцкіх выбарах у 2008 годзе, а таксама два паведамленні ад арыштаванага ў Егіпце і пасля вызваленага фотажурналіста.

Захоўваннем архіва Twitter зацікавіліся не толькі бібліятэкары. 14 красавіка Google абвясціў пра запуск сэрвісу Google Replay, які дазваляе праглядаць падборкі твітаў на зададзеную тэму за вызначаны перыяд. Пакуль у Google Replay даступныя твіты за некалькі апошніх месяцаў. У Twitter упэўнены, што з часам Google апрацуе ўсю базу твітаў, бо таксама мае да яе доступ. Гэта стане даволі багатым набыткам для даследавання мовы, інтэрнэт-камунікацыі і віртуальнага дыскурсу.