Летась сын Набокава Дзмітрый, парушаючы просьбу бацькі, вырашыў надрукаваць раман. Ён уяўляе сабой 50 каталогавых картак (такім чынам пісьменнік вёў свае чарнавікі).

Уладзімір Набокаў і раней быў звязаны з часопісам: у 1964 годзе ён даваў выданню інтэрв’ю, а ў 1969-м “Playboy” друкаваў урыўкі з "Ады".

Правоў на публікацыю фрагменту дамаглася літаратурны рэдактар выдання Эмі Грэйс Лойд (Amy Grace Loyd), што доўгі час даймала літаратурнага агента Набокава Эндру Ўайлі (Andrew Wylie). У чэрвені Ўайлі прыняў угоду, але яе сума не паведамляецца. Эмі Грэйс Лойд запэўнівае, што большых грошай за ўрывак у пяць тысяч словаў часопісу Playboy яшчэ не выпадала плаціць.

Нумар часопіса “Playboy” трапіць у продаж з 10 лістапада, а кнігу пачнуць прадаваць ужо 17 лістапада.