Сёлета яе лаўрэатам стаў нігерыйскі пісьменнік Э. К. Асонду (E. C. Osondu), аўтар “Чакання” – апавядання пра жыццё ў лагеры для ўцекачоў, якое было цалкам апублікаванае ў электронным часопісе Guernicamag.com

Сёлета фіналістамі прэміі таксама сталі Мамле Кабу (Mamle Kabu, Гана) “Канец майстэрства” ("The End of Skill"), Парсэлэла Кантай (Parselelo Kantai, Кенія) “Ты парушыш яе” ("You Wreck Her"), Элістэр Морган (Alistair Morgan, ПАР) “Айсбергі” ("Icebergs"), Мукома ва Нгугі (Mukoma wa Ngugi, Кенія) “Як Камаў ва Мвангі ўцёк у выгнанне” (“How Kamau wa Mwangi Escaped into Exile").

Летась пераможцам Прэміі стала паўднёваафрыканская пісьменніца Генрыета Роўз-Інэс (Henrietta Rose-Innes), аўтар апавядання “Атрута” (“Poison”).

Прэмія была заснаваная ў 2000 годзе ў гонар Сэра Майкла Кейна – былога старшыні журы Букераўскай прэміі.