Па словах Хофе, у верасні 2009 года рабаўнік уварваўся да яе, зламаўшы шпінгалет на вакне. Ён, аднак, збег, калі гаспадыня ўсчала лямант. Другі рабаўнік 10 траўня 2010 года зламаў дзвярны замок і раскідаў па падлозе кнігі, паперы і іншыя прадметы. Трэці 12 траўня забраўся ў той жа пакой і панёс нейкія дакументы з архіва Броду.

Архіў Кафкі на працягу доўгага часу з'яўляецца прадметам судовых цяжбаў: сясцёр Еву Хофе і Руці Віслер (Ruti Wisler) спрабуюць прымусіць адкрыць архіў, а тыя супрацівяцца і намерваюцца прадаць паперы ў Нямеччыну. Прадстаўнік Нацыянальнай бібліятэкі Ізраілю заявіў, што і раней указваў на непрыдатныя ўмовы, у якіх адказніцы захоўваюць важныя рукапісы. Ён запатрабаваў ад суда прызначыць агляд у кватэрах Хофе і Віслер.

Сёстры ўспадкавалі архіў Кафкі ад сваёй маці Эстэр Хофе, сакратаркі, і, відавочна, палюбоўніцы Макса Брода. Нядаўна, аднак, суду быў прадстаўлены ліст Броду, у якім гаворыцца, што ён адпісваў свой архіў Нацыянальнай бібліятэцы. Такім чынам, не выключана, што Хофе і Віслер валодаюць паперамі незаконна. Аднак пераканацца ў гэтым нельга, бо завяшчанне Брода, хутчэй за ўсё, таксама знаходзіцца ў архіве ў сясцёр.

Наогул вакол спадчыны пісьменніка дагэтуль вядуцца спрэчкі на міжнацыянальным узроўні. Раней мы ўжо пісалі пра тое, што Ізраіль і Германія спрачаюцца за права захавання арыгінальнага рукапісу рамана “Працэс”.