Унікальны праект litradio.by, цалкам прысвечаны сучаснай беларускай літаратуры, уяўляе сабой фанатэку аўдыёзапісаў і бібліятэку тэкставых версій твораў беларускіх аўтараў. На дадзены момант на сайце прадстаўлена 15 беларускіх пісьменнікаў і перакладчыкаў. Сярод іх – як прадстаўнікі старэйшага пакалення: Рыгор Барадулін, Васіль Сёмуха, Валянцін Акудовіч, – так і маладзейшыя – Марыя Мартысевіч, Віталь Рыжкоў, Анка Упала і іншыя.

У планах праекту – далейшае пашырэнне фанатэкі, а таксама запуск радыёвяшчання, якое ў сувязі з пажарам на серверы, на жаль, аднавіць не ўдалося.