Першае апавяданне майстра сучаснай амерыканскай прозы “Hello Red” выйдзе 25 верасня, другое – “The Petrified Ants” – 29 верасня, астатнія з’явяцца 20 кастрычніка адначасова з папяровым выданнем.

Прадмову да папяровага зборніка напісаў Сідні Офіт, пісьменнік і шматгадовы сябар Вонэгута. Таксама зборнік будзе аздоблены ілюстрацыямі самога Вонэгута: пра гэта заяўлена на сайце выдавецтва Random House.

Курт Вонэгут памёр у красавіку 2007 году. З 2008 году пачалося выданне твораў, раней не друкаваных пры яго жыцці. Першым пабачыў свет зборнік “Армагедон у рэтраспекцыі” (“Armageddon in Retrospect”), які складаецца з апавяданняў Вонэгута, прысвечаных тэме вайны і міру. Таксама ў кнігу ўключаны ліст пісьменніка да родных пра сваё знаходжанне ў нямецкім палоне падчас Другой сусветнай вайны.