№21: Знак прысутнасці

№21: Знак прысутнасці

Мы прысвячаем новы нумар “ПрайдзіСвета” феномену сувязі літаратуры і гомасэксуальнасці, альбо, кажучы мовай ХХІ стагоддзя, сувязі літаратуры і ЛГБТК. Ці застаецца літаратура літаратурай, калі адкрывае нам сусвет цялеснасці, сэксуальнасці, інтымнасці? Чаму беларуская літаратура моцная ў апісанні вайны і такая бездапаможная, стэрыльная ў апісанні цялеснасці і сэксуальнасці? Ці існуе беларуская ЛГБТК-літаратура? На гэтыя і іншыя пытанні можна будзе знайсці адказы ў нумары

Чытаць далей

У Расіі рыхтуецца першы wikiраман

16 ліпеня 2010

У Расіі рыхтуецца першы wikiраман
Імя Натана Дубавіцкага стала вядома год таму, калі спецыяльным дадаткам да " Русского Пионера" выйшаў яго раман "Околоноля". Тады СМІ прыпісалі аўтарства рамана першаму намесніку кіраўніка адміністрацыі прэзідэнта РФ Уладзіславу Суркову. Сам Суркоў напісаў рэцэнзію на гэтую кнігу, у якой назваў яе найбуйнейшай літаратурнай містыфікацыяў. У сваёй рэцэнзіі першы намеснік кіраўніка адміністрацыі іранізаваў над спробамі журналістаў прыпісаць яму аўтарства рамана.

Галоўны рэдактар часопіса “Русский Пионер” Андрэй Калеснікаў адзначыў, што з прапановай да чытачоў дапісаць раман аўтар сам звяртаецца ў прадмове да першай часткі новай кнігі, дасланай па электроннай пошце.

“Вось я выкладаю ў РПіянеры пачатак рамана, усё, што мог пакуль зрабіць. Хай гэты тэкст будзе адкрытай платформай, на якой кожны ахвотны можа пабудаваць любы сюжэт”, - гаворыцца ў аўтарскай прадмове.

Пры гэтым аўтар рамана адзначае, што пісьменнікі могуць адмовіцца ад зададзенай ў пачатку танальнасці, перацягнуць дзеянне ў іншыя наколькі заўгодна аддаленыя месцы, пагрузіць выведзеных на сцэну персанажаў ў аўтобус і сапхнуць яго апоўзнем з дарогі ў бездань.

“Кожны можа зрабіць пасільны ўнёсак, колькі не шкада - рэпліку, дыялог, апісанне прыроды, заўвагу, цэлы раман, цэлых два, тры, чатыры раманы, зноску, вершык, твіт, проста ідэю, падказку ... Усё пойдзе ў справу», - піша Натан Дубавіцкі.

Ён паабяцаў, што кожны сааўтар будзе названы пры публікацыі, а ганарар будзе падзелены па-братэрску паміж усімі пісьменнікамі.

“Пісьменнікі! Натоўпы пісьменнікаў! Рабіце першы ў Расіі wikiраман, далучайцеся да добрай справы”, - заклікае аўтар.

Тэксты чытачам трэба даслаць ў часопіс да 1 сакавіка 2011 года.

Андрэй Калеснікаў у сваю чаргу адзначыў, што аўтар абяцаў даць і сваю версію заканчэння рамана.
паводле rian.ru

Чытайце таксама

369