Міністэрства апавяданняў будзе складацца з крамы, дзе можна будзе купіць усё неабходнае для цацачных монстраў, і памяшкання для майстар-класаў і урокаў пісьма.

Крама прыладаў для монстраў неабходная для таго, каб стварыць атмасферу прыгодаў і фантастыкі, дзякуючы якой можна заваяваць цікавасць дзяцей. Само міністэрства будзе арганізаванае ў выглядзе своеасаблівага клуба, у якім Хорнбі і іншыя пісьменнікі будуць праводзіць урокі для дзяцей ад 8 да 18 гадоў. Таксама там будуць праходзіць і іншыя творчыя мерапрыемствы – семінары, майстэрні і гэтак далей.

Праект ужо атрымаў падтрымку брытанскага ўраду, а частковае фінансаванне яму забяспечыць Рада па мастацтве Вялікабрытаніі.

Міністэрства апавяданняў было створанае па аналогіі з амерыканскім праектам "826" пісьменніка Дэйва Эгерса. У 2002 годзе ён адкрыў у Сан-Францыска пісьменніцкі клуб для дзяцей, які таксама сумяшчаўся з незвычайным крамай – пірацкіх прыладаў. Пасля ў ЗША адкрылася яшчэ некалькі такіх творчых майстэрняў.

Пасля Эгерса такі праект арганізаваў ірландскі пісьменнік Родзі Дойл. За 17 месяцаў працы на яго творчых курсах пабывала больш за 11 тысяч дзяцей. "Мы ўпэўненыя, што пісаць трэба, не абмяжоўваючы сябе ніякімі правіламі і парадкамі. Больш за тое, нам здаецца, што менавіта так і можна дасягнуць найлепшых вынікаў", – заявіў Нік Хорнбі.