Удзельнікі цырымоніі ў Краснаярску, на якой прысутнічалі вядомыя літаратары Расіі і іншых краін, сустрэлі апладысментамі вестку, што ў намінацыі “грамадзянская мужнасць” адзначаны беларускі паэт Уладзімір Някляеў. Блізкім лаўрэата перададуць прэмію — залатую “цар-рыбу”.

У прамовах прадстаўнікоў журы згадваліся ўласцівыя Някляеву “адсутнасць страху і прынцыповасць у адстойванні прынцыпаў чалавечай свабоды". Прагучалі заклікі неадкладна вызваліць з няволі гэтага знанага літаратурнага і грамадскага дзеяча.