Вавілонскую вежу з кніг пабудавалі ў Буэнас-Айрэсе
17 траўня 2011
![Вавілонскую вежу з кніг пабудавалі ў Буэнас-Айрэсе](http://i649.photobucket.com/albums/uu212/prajdzisvet/tower-of-babel_1892629i.jpg)
Цяперашні арт-аб'ект складаецца са спіральнага металічнага каркаса і каля 30 000 кніг, напісаных на большасці моваў і дыялектаў свету. Жанр не мае значэння: тут ёсць і слоўнікі, і энцыклапедыі, і класічныя раманы.
На першым і другім узроўнях размешчаныя амерыканскія кнігі, на трэцім і чацвертым — кнігі з Еўропы, на пятым — з Афрыкі, на шостым — з Азіі. 16000 кніг былі ахвяраваныя 52 пасольствамі ў Буэнас-Айрэсе, астатнія былі падараваныя аргентынскімі чытачамі.
Убачыць новую Вавілонскую вежу можна ў «Сан-Плаза Марцін» да 28 траўня.