№21: Знак прысутнасці

№21: Знак прысутнасці

Мы прысвячаем новы нумар “ПрайдзіСвета” феномену сувязі літаратуры і гомасэксуальнасці, альбо, кажучы мовай ХХІ стагоддзя, сувязі літаратуры і ЛГБТК. Ці застаецца літаратура літаратурай, калі адкрывае нам сусвет цялеснасці, сэксуальнасці, інтымнасці? Чаму беларуская літаратура моцная ў апісанні вайны і такая бездапаможная, стэрыльная ў апісанні цялеснасці і сэксуальнасці? Ці існуе беларуская ЛГБТК-літаратура? На гэтыя і іншыя пытанні можна будзе знайсці адказы ў нумары

Чытаць далей

Раман Джэйн Остэн прададзены за 1,6 млн даляраў

15 ліпеня 2011

Раман Джэйн Остэн прададзены за 1,6 млн даляраў
Мяркуюць, што Остэн напісала некалькі раздзелаў рамана пад назвай “Ўотсаны” (The Watsons) у 1804 годзе. У ім расказваецца гісторыя маладой дзяўчыны Эмы, малодшай з чатырох сясцёр Ўотсан, якой давялося вярнуцца ў бацькоўскі дом пасля таго, як яе выгадавала багатая цётка.

Гэты рукапіс уяўляецца вельмі важным, бо многія раннія працы Остэн не захаваліся да нашых дзён, за выключэннем двух чарнавых раздзелаў з раманаў “Довады розуму”, “Лэдзі Сьюзан” і “Сэндытан”.

Мастацтвазнаўца аўкцыённага дома Sotheby's Габрыэль Хітан падкрэслівае, што гэты рукапіс асабліва каштоўны, бо ўяўляе сабой “працу ў працэсе” — тут на кожнай старонцы ёсць пазнакі, выкрэсліванні, выпраўленні і дапаўненні паміж радкоў. “Мы ў захапленні ад таго, што нам удалося прадаць самы ранні з вядомых рукапісаў раманаў Джэйн Остэн”, — сказаў Хітан.

Прададзены рукапіс налічвае 68 старонак, спісаных дробным почыркам. Раман завершаны толькі на чвэрць, аднак нават такі аб'ём дазволіў крытыку Маргарэт Драбл заключыць, што гэта “хвалюючы і цудоўны” твор. “Калі б гэтая праца была завершаная, то раман шанаваўся б гэтак жа высока, як і астатнія шэсць”, — перакананая літаратуразнаўца.
паводле novostiliteratury.ru

Чытайце таксама

348