№21: Знак прысутнасці

№21: Знак прысутнасці

Мы прысвячаем новы нумар “ПрайдзіСвета” феномену сувязі літаратуры і гомасэксуальнасці, альбо, кажучы мовай ХХІ стагоддзя, сувязі літаратуры і ЛГБТК. Ці застаецца літаратура літаратурай, калі адкрывае нам сусвет цялеснасці, сэксуальнасці, інтымнасці? Чаму беларуская літаратура моцная ў апісанні вайны і такая бездапаможная, стэрыльная ў апісанні цялеснасці і сэксуальнасці? Ці існуе беларуская ЛГБТК-літаратура? На гэтыя і іншыя пытанні можна будзе знайсці адказы ў нумары

Чытаць далей

У Анжэры 200 французаў публічна прачытаюць “Вайну і мір”

1 жніўня 2011

У Анжэры 200 французаў публічна прачытаюць “Вайну і мір”
Творы Льва Талстога, нароўні з Дастаеўскім, у Францыі з'яўляюцца найбольш папулярнымі ўзорамі класічнай рускай літаратуры. Так, у Парыжы ёсць плошча Талстога з усталяваным на ёй бюстам пісьменніка, а летась там праводзіліся мерапрыемствы, прымеркаваныя да стагоддзя смерці рускага класіка. Тым не менш, ідэя марафона, які яго арганізатары завуць “унікальным спектаклем”, па чытанні 1700-старонкавага рамана раней нікім у жыццё ўвасобленая не была. Чытанне адбудзецца ў рамках фэсту, які праходзіць у Анжэры трынаццаты раз. Як чакаецца, на ім будуць прысутнічаць нашчадкі пісьменніка, у тым ліку прэзідэнт французскага Таварыства сяброў Льва Талстога Калет Талстая.

Чытаць кнігу будуць па чарзе дзвесце чалавек, наймалодшаму з якіх 12 гадоў, а найстарэйшаму — 80. Як сказаў рэжысёр Калікст дэ Нігрэмон, адзін з арганізатараў фэсту, у інтэрв'ю газеце “Весці”, “усе ведаюць гэты раман, але далёка не ўсе чыталі яго ад пачатку да канца. Многім проста бракуе адвагі”. Сваёй акцыяй ён паспрабуе “нагадаць французам пра адзін з найвялікшых твораў сусветнай літаратуры”. Нігрэмон адзначыў, што французскі пераклад, які будзе выкарыстаны ў чытаннях, быў асабіста ўхвалены аўтарам рамана.

Чытанне пачнецца 9 верасня ў 21.30 і працягнецца, як чакаецца, 46 гадзін — каля двух сутак. Яго можна будзе паглядзець анлайн на сайце фэсту “Захопленасць”.
паводле znaki.fm

Чытайце таксама

312