Па словах намесніка культуры РФ, “Ясная Паляна” – “адна з самых сумленных расійскіх прэміяў, якую атрымліваюць пісьменнікі, якія развіваюць традыцыі рускай класічнай літаратуры”.

Цырымонія ўручэння прэміі прайшла 5 кастрычніка ў Маскве. Уладзімір Лічуцін перамог у намінацыі “Сучасная класіка” і атрымаў 500 тысяч рублёў. Васіль Галаванаў атрымаў перамогу ў намінацыі “21 стагоддзе. Яркі твор сучаснай прозы” і атрымаў грашовую ўзнагароду ў памеры 250 тысяч рублёў.

У “Расколе” Лічуцін звяртаецца да тэмы рускага рэлігійнага расколу ў XVII стагоддзі. У цэнтры сюжэту “Вострава” – гісторыя пра тое, як пошукі сэнсу жыцця прыводзяць героя на закінуты запалярны востраў у Баранцавым моры, што нечакана робіцца для яго тэрыторыяй паратунку, кахання і крыніцаю натхнення. Па словах журы, Васіль Галаванаў – гэта “сучасны пісьменнік з культурным адлівам”, а яго раман “Востраў” – “гэта сапраўдная спавядальная рэч”.

Літаратурная прэмія “Ясная паляна”, ініцыятарам якой выступае Дзяржаўны мемарыяльны і прыродны запаведнік “Ясная Паляна”, была заснаваная ў 2003 годзе да 175-годдзя Льва Талстога. Па словах старшыні журы прэміі – журналіста, эсэіста, дырэктара музея “Ясная Паляна” Уладзіміра Талстога, “каб стаць лаўрэатам прэміі, не абавязкова быць пераймальнікам Талстога. Аднак прэмію ніколі не атрымае аўтар, які піша сумна і выкарыстоўвае ў сваіх творах ненарматыўную лексіку”.

Фота lenta.ru