Як адзначылі ў аргкамітэце, на конкурс прымаюцца творы на рускай мове, напісаныя, выдадзеныя ці надрукаваныя цягам 2009 году. Творы можна дасылаць да 30 лістапада.

“Рускую прэмію” сёлета традыцыйна ўручаць у трох намінацыях: “Буйная проза” (аповесці і раманы), “Малая проза” (аповесці і зборнікі апавяданняў) і “Паэзія”.

Пераможца ў кожнай намінацыі атрымае пяць тысяч даляраў. Лаўрэаты, якія занялі другое і трэцяе месца ў кожнай намінацыі, атрымаюць па дзве і паўтары тысячы адпаведна. Акрамя таго, творы-пераможцы ўвойдуць у выдавецкія планы заснавальнікаў і партнёраў “Рускай прэміі ”.

Летась пераможцам “Рускай прэміі” ў галоўнай намінацыі конкурсу стаў Барыс Хазанаў (Германія) з раманам “Учарашняя вечнасць” ("Вчерашняя вечность"). Найлепшым аўтарам “Малой прозы” была прызнаная Маргарыта Мекліна (ЗША) з кнігай “Мая злачынная сувязь з мастацтвам” ("Моя преступная связь с искусством"). У намінацыі “Паэзія” найлепшай была прызнаная кніга паэзіі Бахыта Кенжэева.

Сайт "Рускай прэміі": russpremia.ru