Пліта з памылкай знаходзіцца ля сцен Эксэтэрскага сабора — на ёй выгравіраваны першы радок з верша Хопкінса “Боская веліч”: “The world is charged with the grandeur of God”. Як сказаў Мэк, памылка выклікала ў яго “гнеў і недавер”.

”Усе мы памыляемся, але колькі людзей бачылі гэта? Як так атрымалася, што ніхто не заўважыў гэтага да таго, як разец крануў камень?” — пытае Мэк. Прафесар заявіў, што, вядома, далёка не ўсе ведаюць, хто такі Джэрард Мэнлі Хопкінс, але больш за ўсё яго здзівіла няўважлівасць царкоўнікаў. “Ён быў не толькі вялікім ангельскім паэтам, але і манахам-езуітам”, — кажа Мэк.

Прафесар заклікаў выправіць памылку, каб Эксэтэр не лічылі горадам “дурняў з правінцыі”. Прадстаўнікі Эксэтэрскага сабора ўжо паабяцалі паслухацца яго парады.

Джэрард Мэнлі Хопкінс лічыцца адным з найбуйнейшых ангельскіх паэтаў XIX стагоддзя. Многія яго вершы пакладзеныя на музыку.