У 1940 разам са сваімі выхаванцамі з Дома сіротаў Корчак быў адпраўлены ў Варшаўскае гета. Ён адхіліў усе прапановы прыхільнікаў свайго таленту вывесці яго з гета і схаваць на “арыйскім” баку. У 1942 яго сярод 200 габрэяў пераводзілі ў канцлагер у Трэблінцы, ён чарговы раз адмовіўся ад свабоды і загінуў разам са сваімі выхаванцамі ў газавай камеры.

У 2012 годзе споўніцца 70 гадоў з дня смерці Корчака ў Трэблінцы і 100-я гадавіна адкрыцця ім дзіцячага дома ў Варшаве.

Рашэнне пра наданне 2012 году ягонага імені прыняў Сейм Польшчы. У адпаведнай пастанове сказана, што “Януш Корчак разглядаў дзяцей не толькі як аб’ект клопату з боку дарослых. Ён папулярызаваў і рэалізаваў на практыцы ідэю павагі правоў і інтарэсаў дзяцей, іх самастанаўлення”.

“За вернасць сваім поглядам ён заплаціў уласным жыццём. Разам са сваімі выхаванцамі ён загінуў у газавай камеры нямецкага лагеру смерці ў Трэблінцы”, — гаворыцца ў пастанове польскага парламента.

Акрамя грамадскай дзейнасці Януш Корчак таксама пісаў для дзяцей. Па-беларуску выйшлі яго кнігі "Кароль Мацюсь першы" і "Кароль Мацюсь на бязлюдным востраве" ў перакладзе Я. Бяганскай і У. Васілевіча.