“ПрайдзіСвет” не можа прайсці міма такой выбітнай даты. Наш новы падарунак усім аматарам творчасці Кэрала — верш знакамітага абсурдыста і каламбуршчыка ў перакладзе Ганны Янкуты.

Кракадзіл
(The Crocodile)

О, як маленькі кракадзіл
Гуляецца ў пяску,
Гатовы выліць цэлы Ніл
На яркую луску!

О найпяшчотнейшы ашчэр!
Схаваўшы іклы ў зыб,
Ён, выкшталцоны кавалер,
У пашчу кліча рыб.

Са старых чужых падарункаў — першы фільм-адаптацыя “Алісы ў Дзівоснай краіне”, створаны ўсяго праз 8 гадоў пасля нараджэння кінематографа. Працягласць фільма складала 12 хвілінаў, 8 з якіх захаваліся. На той час у Англіі гэта быў самы доўгі фільм.



А са старых сваіх — інтэрв’ю з перакладчыкамі Кэрала на беларускую мову Верай Бурлак і Максам Шчуром.

Вера Бурлак: Паэт, які часам перакладае

Макс Шчур: Я вывучыў ангельскую, каб чытаць Кэрала