Прэмія Андэрсэна, якая прысуджаецца найлепшаму дзіцячаму пісьменніку, была заснаваная ў 1956 годзе. З 1966 году дадалася спецыяльная намінацыя для мастакоў-ілюстратараў. Узнагарода ўручаецца раз на два гады. У ліку лаўрэатаў розных гадоў былі вядомыя дзіцячыя пісьменнікі Астрыд Ліндгрэн, Тувэ Янсан, Джані Радары.

Сёлета на прэмію прэтэндавалі Марыя Тэрэза Андруэта (Аргентына), Пол Флайшман (ЗША), Барт Мюярт (Бельгія), Жан-Клод Мурлева (Францыя), Б'янка Пітцорна (Італія). У шорт-ліст прэміі сёлета не трапілі Філіп Пулман і Ен Колфер.

Прэмію ў “пісьменніцкай” намінацыі атрымала Марыя Тэрэза Андруэта з Аргентыны. Журы прэміі рэкамендуе яе як “стваральніцу глыбокіх і паэтычных кніг на самыя розныя тэмы”.

Рускія пісьменнікі не толькі не трапілі ў кароткі спіс, але нават не былі вылучаныя на конкурс. Прычына ў тым, што для таго каб стаць намінантам, трэба мець выданне мінімум на трох замежных мовах. Гэтаму патрабаванню пакуль адпавядаюць толькі Сяргей Міхалкоў і Эдуард Успенскі.