Гэты алфавіт на аснове арабскай графікі цяпер ужываецца казахскімі дыяспарамі ў некаторых краінах (у прыватнасці, у Кітаі), а ў Казахстане выкарыстоўваецца алфавіт на аснове кірыліцы: у яго ўваходзяць 33 літары рускага алфавіту, а таксама 9 дадатковых літараў.

Прыхільнікі моўнай рэформы лічаць, што алфавіт Байтурсынава трэба аднавіць у правах на тэрыторыі Казахстана (замяніўшы арабскія знакі на кірылічныя). Прапануецца выключыць з яго літары, якія абазначаюць гукі, “не ўласцівыя фанетычнаму ладу казахскай мовы".