№21: Знак прысутнасці

№21: Знак прысутнасці

Мы прысвячаем новы нумар “ПрайдзіСвета” феномену сувязі літаратуры і гомасэксуальнасці, альбо, кажучы мовай ХХІ стагоддзя, сувязі літаратуры і ЛГБТК. Ці застаецца літаратура літаратурай, калі адкрывае нам сусвет цялеснасці, сэксуальнасці, інтымнасці? Чаму беларуская літаратура моцная ў апісанні вайны і такая бездапаможная, стэрыльная ў апісанні цялеснасці і сэксуальнасці? Ці існуе беларуская ЛГБТК-літаратура? На гэтыя і іншыя пытанні можна будзе знайсці адказы ў нумары

Чытаць далей

Назвалі галоўныя кнігі Амерыкі

27 чэрвеня 2012

Назвалі галоўныя кнігі Амерыкі
Лідарамі ў спісе апынуліся лаўрэаты Пулітцэраўскай прэміі: “Забіць перасмешніка” Харпер Лі і “Гронкі гневу” Джона Стэйнбека. На трэцім месцы – памфлет Томаса Пэйна “Здаровы сэнс”, які стаў адным з каталізатараў амерыканскай вайны за незалежнасць у XVIII стагоддзі.

Стваральнікі спісу разлічваюць выклікаць ажыўленую дыскусію вакол адабраных кніг і прапануюць дадаваць новых прэтэндэнтаў у спіс на сайце Бібліятэкі Кангрэса.

Джэймс Білінгтан (Джэймс Білінгтан), гісторык і замежны член Расійскай Акадэміі навук, які ўзначальвае Бібліятэку Кангрэса, адзначыў, што гэтыя кнігі падаюцца не як “найлепшыя” ў гісторыі літаратуры ЗША, а як тыя, што наймацней паўплывалі на фармаванне амерыканскай нацыі.

Топ-10 “кніг, якія стварылі Амерыку”, па версіі Бібліятэкі Кангрэса:

1. “Забіць перасмешніка” (To Kill a Mockingbird, 1960) Харпер Лі;
2. “Гронкі гневу” (The Grapes of Wrath, 1939) Джона Стэйнбека;
3. “Здаровы сэнс” (Common Sense, 1776) Томаса Пэйна;
4. “Прыгоды Гекльберы Фіна” (Adventures of Huckleberry Finn, 1884) Марка Твэна;
5. “Кот у капелюшы” (The Cat in the Hat, 1957) доктара Сьюза;
6. “Федэралісты” (Federalist, 1787–1788);
7. “Аповесць пра жыццё Фрэдэрыка Дугласа, амерыканскага раба” (The Narrative of the Life of Frederick Douglass, 1845) Фрэдэрыка Дугласа;
8. “451 градус па Фарэнгейце” (Fahrenheit 451, 1953) Р. Брэдбэры;
9. “Джунглі” (The Jungle, 1906) Эптана Біла Сінклера-малодшага;
10. “Хітрык-22” (Catch-22, 1961) Джозэфа Хелера.
паводле openspace.ru

Чытайце таксама

401