№21: Знак прысутнасці

№21: Знак прысутнасці

Мы прысвячаем новы нумар “ПрайдзіСвета” феномену сувязі літаратуры і гомасэксуальнасці, альбо, кажучы мовай ХХІ стагоддзя, сувязі літаратуры і ЛГБТК. Ці застаецца літаратура літаратурай, калі адкрывае нам сусвет цялеснасці, сэксуальнасці, інтымнасці? Чаму беларуская літаратура моцная ў апісанні вайны і такая бездапаможная, стэрыльная ў апісанні цялеснасці і сэксуальнасці? Ці існуе беларуская ЛГБТК-літаратура? На гэтыя і іншыя пытанні можна будзе знайсці адказы ў нумары

Чытаць далей

Змест


Алок Вайд-Мэнан Вулічны гвалт Вершы Фрэнк О’Хара Трымаю воблака ў абдымках Вершы Пэт Паркер Так прагну з табой кахацца і словы замест гэтага пішу Вершы Ўолт Ўітмэн Як Адам на золку ўранні Вершы Эмі Лоўэл Калі б я здолела злавіць зялёны ліхтар светляка Вершы Сара ТысдэйлЭрына Верш Алфрэд Эдвард Хаўсмэн Больш не пытай: баюся, не змаўчу Вершы Гедрэ Казлаўскайтэ Размаўляць на забытых мовах Вершы Івар Сільдпачуццё што нешта не так Вершы Сімона дэ БавуарДругі пол Фрагмент кнігі Жан Както Белая кніга
Іда Ліндэ Мама забойцы Урывак з рамана Жорж Экгаўт Татуіроўка Апавяданне Уладзіслаў Гарбацкі Апошні ўраніст Эсэ
Крысціна Бандурына Something Special Вершы Карэкцыя перспектывы Апавяданне Надзя Гусакоўская не вставать рано утром, чтоб не упасть Вершы Уладзіслаў Гарбацкі Прыдарожныя макі Апавяданне Каровы ды мужыкі Апавяданне Дар’я Трайдэн Нямая Апавяданне Вампірызм Апавяданне Хвароба Апавяданне Дзмітрый Ермаловіч-Дашчынскі Небесный сеанс прерывается Вершы
“Вось так я пішу” Рэпрэзентацыя негетэранарматыўнай сэксуальнасці ў літаратуры Матэрыялы круглага стала
Вольга Гапеева Гульня ў гендар, або Чаму качкі размаўляюць на лавандавай мове Эсэ Альгерд Бахарэвіч “Зразумейце маю адзіноту”: “Дзёньнік” Вітальда Гамбровіча як досьлед уласнае сэксуальнасьці Эсэ Дар’я Трайдэн Бог і мілыя хлопчыкі: рэлігія і гомаэротыка ў творах Герарда Рэвэ Эсэ Кацярына Маціеўская Эфект Пігмаліёна Эсэ Ганна Янкута Гісторыя аднаго сына Эсэ Справа Роджэра Кейсмента Эсэ Літаратурнае жыццё бостанскага шлюбу Эсэ Уладзіслаў Гарбацкі Як беларусы ў 1928 годзе гей-шлюбам палохалі Эсэ Апошні enfant terrible ХХ стагодзьдзя Эсэ Жанчына, што кахала мужчынаў, якія кахалі мужчынаў Эсэ Уладзімір Валодзін Уголовное преследование гомосексуалов в СССР (1946-1991): цифры и дискурсы

У гэты дзень, 28 лютага

  • 1533

    Нарадзіўся Мішэль дэ Мантэнь (фр. Michel de Montaigne, памёр 13 верасня 1592), французскі пісьменнік і філосаф эпохі Адраджэння, аўтар “Доследаў” (Essais). Настаўнік Мантэня, немец, абсалютна не валодаў французскай мовай і размаўляў з будучым пісьменнікам на лаціне: бацька Мантэня хацеў, каб сын атрымаў ліберальна-гуманістычную адукацыю. Мантэнь лічыцца заснавальнікам жанру эсэ.

  • 1616

    Памёр Мікалай Хрыстафор Радзівіл Сіротка (нар. 2 жніўня 1549), дзяржаўны і ваенны дзеяч Вялікага Княства Літоўскага, аўтар “Перэгрынацыі, або Паломніцтва Ясна Асветленага Князя Ягамосці Мікалая Крыштофа Радзівіла ў Святую Зямлю”, напісанай на аснове ўспамінаў Радзівіла пра яго пілігрымку ў Святую зямлю і выдадзенай у Брунзбергу ў 1601 годзе. Падчас сваёй пілігрымкі Радзівіл пабываў у Егіпце і досыць дакладна апісаў гэтую краіну, таму фактычна можа лічыцца першым беларускім егіптолагам. На беларускую мову “Перэгрынацыю” пераклаў Сяргей Шупа.

  • 1823

    Нарадзіўся Жазэф Эрнэст Рэнан (фр. Joseph Ernest Renan, памёр 2 кастрычніка 1892), французскі пісьменнік, гісторык і ўсходазнаўца. Займаўся археалагічнымі даследаваннямі старажытнай Фінікіі, і хаця не зрабіў у гэтай галіне значных адкрыццяў, уражанні ад убачанага натхнілі яго на напісанне “Жыцця Ісуса” (Vie de Jésus), аднаго з самых значных і вядомых твораў Рэнана.

  • 1869

    Памёр Альфонс дэ Ламарцін (фр. Alphonse de Lamartine, нар. 21 кастрычніка 1790), французскі паэт-рамантык. Сучаснікі прызнавалі, што талент Ламарціна не саступае таленту Гюго, аднак паэт не змог і не захацеў стаць на чале рамантычнай школы – ён не меў вялікіх амбіцыяў і больш ганарыўся сваёй прывабнасцю, чым літаратурным поспехам, і называў сябе літаратурным дылетантам.

  • 1882

    Нарадзіўся Патрык О’Конар (ірл. Pádraic Ó Conaire, памёр 6 кастрычніка 1928), ірландскі пісьменнік і журналіст, які пераважна пісаў па-ірландску. Актыўны ўдзельнік руху за ірландскае адраджэнне і Гэльскай лігі, О’Конар зрабіўся адным з самых значных ірландскамоўных пісьменнікаў пачатку ХХ ст. Важнае месца ў творчасці пісьменніка займала тэма ірландскіх эмігрантаў у Англіі. Самы вядомы твор О’Конара – яго адзіны раман “Дыяспара” (Deoraíocht).

  • 1916

    Памёр Генры Джэймс (анг. Henry James, нар. 15 красавіка 1843), амерыканскі пісьменнік і філосаф, які за год да смерці атрымаў брытанскае грамадзянства. Пісьменнік пачаў пісаць у рэалістычным жанры, аднак потым звярнуўся да жанру містычнага апавядання пра прывідаў, якому надаў адмысловую вусцішнасць, выкарыстаўшы прыём “ненадзейнага апавядальніка”. Самы вядомы твор Джэймса ў гэтым жанры – аповесць “Паварот вінта” (1989). Джэймс лічыцца папярэднікам мадэрнізму – складаная, суб’ектыўная проза Джэймса мяжуе з “плынню свядомасці”.

  • 1922

    Нарадзіўся Юрый Лотман (руск. Юрий Лотман, памёр 28 кастрычніка 1993), рускі літаратуразнаўца, культуролаг і семіётык. Пасля заканчэння ўніверсітэта да канца жыцця жыў і працаваў у Эстоніі, у Тартускім універсітэце ў сувязі з больш ліберальнай атмасферай у эстонскіх акадэмічных колах. Напісаў шэраг навуковых працаў, прысвечаных рускай літаратуры і тэорыі літаратуры.

  • 1964

    Нарадзілася Лота Лотас (шведск. Lotta Lotass), шведская пісьменніца, культурны аглядальнік, літаратуразнаўца. Сябра Шведскай акадэміі, супрацоўнік рэдакцыі электроннага рэсурсу “Літаратурны банк” (Litteraturbanken). Лаўрэат некалькіх літаратурных прэміяў у сябе на радзіме.

  • 2004

    Памерла Кармэн Лафарэт (гішп. Carmen Laforet, нар. 6 верасня 1921), гішпанская пісьменніца. Даследчыкі разглядаюць творы Лафарэт у рэчышчы літаратуры экзістэнцыялізму, а яе раман “Нада” (Nada, 1944) параўноўваюць з “Лаўцом у жыце” Сэлінджэра.

  • 2011

    Памёр Свэн Лідман (шведск. Sven Lidman, нар. 2 снежня 1921), шведскі пісьменнік і лексікограф. Ліндман быў складальнікам многіх слоўнікаў. У 1988 годзе былі апублікаваныя яго прафесійныя мемуары “Энцыклапедыя і я” (Uppslagsboken och jag), у 2006 — успаміны “Бацька, сын і цудоўная кніжная прамысловасць” (Fadern, sonen och den härliga bokbranschen).